తెలంగాణలో రికార్డు .. ఆర్టీసీలో మహిళ డ్రైవర్

మహిళలు అన్ని రంగాల్లో రాణిస్తున్నారు. అన్ని రకాల ఉద్యోగాలు చేస్తున్నారు. అన్ని రకాల ఆటలు ఆడుతున్నారు. అన్ని రకాల పదవులు నిర్వహిస్తున్నారు. అన్ని రకాల వాహనాలు నడుపుతున్నారు. విమానాలు కూడా నడుపుతున్నారు. భారీ వాహనాలు కూడా నడుపుతున్నారు. ఒక్క మాటలో చెప్పాలంటే వారు చేయలేని పనిలేదు. కాని ఇప్పటివరకు తెలుగు రాష్ట్రాల్లో ఆర్టీసీ బస్సులు నడిపిన మహిళలు కనబడలేదు. ఇతర రాష్ట్రాల్లో ఉన్నారు.

విమానాలు నడిపే మహిళలకు ఆర్టీసీ బస్సు నడపడం కష్టం కాదు. ఆర్టీసీలోని ఇతర విభాగాల్లో మహిళలు పనిచేస్తున్నారు. మహిళా కండక్టర్లను మనం చూస్తూనే ఉన్నాం కదా. కాని ఎందుకో ఇప్పటివరకు డ్రైవర్లుగా వారిని నియమించలేదు. కాని ఇప్పుడు ఆ లోటు కూడా తీరిపోయింది. తెలంగాణ ఆర్టీసీలో తొలిసారిగా మహిళా డ్రైవరును నియమించారు. తాజాగా.. తెలంగాణ ఆర్టీసీలో తొలి మహిళా బస్ డ్రైవర్ సరిత అనే మహిళ రికార్డు సృష్టించింది. ఆమె నిన్ననే డ్యూటీలో జాయిన్అయింది.

మొదటి రోజు హైదరాబాద్ నుంచి మిర్యాలగూడకు ఆర్టీసీ బస్ నడిపింది. ఇన్నిరోజులు దేశ రాజధాని ఢిల్లీలో డ్రైవర్గా విధులు నిర్వర్తించిన సరిత ప్రత్యేక అనుమతితో తెలంగాణ ఆర్టీసీలో చేరింది. అక్కడ ఢిల్లీ ట్రాన్స్పోర్ట్ కార్పొరేషన్లో డ్రైవరుగా పనిచేసింది. గతంలో రాష్ట్రపతి రామ్నాథ్ కోవింద్ చేతుల మీదుగా దేశంలో మొట్టమొదటి మహిళా డ్రైవర్గా అవార్డు తీసుకుంది సరిత. యాదాద్రి భువనగిరి జిల్లా సంస్థాన్ నారాయణపురం మండలం సీత్యాతండాకు చెందిన వి.రాంకోటి, రుక్కల కుమార్తె సరిత... మీ గూడచారి