తెలంగాణ జర్నలిస్ట్స్ అసోసియేషన్ (TJA) సూర్యాపేట జిల్లా కమిటీ తీర్మానం మేరకు మేళ్లచెరువు మండల అధ్యక్షుడిగా కొమ్ము మహేష్ నియమితులయ్యారు. ఈ నియామకానికి సంబంధించిన ఉత్తర్వుల ప్రతిని శుక్రవారం హుజూర్ నగర్ లోని జిల్లా కమిటీ ప్రెస్ క్లబ్ లో TJA సూర్యాపేట జిల్లా అధ్యక్షుడు షేక్ సైదా అందజేశారు.
ఈ సందర్భంగా షేక్ సైదా మాట్లాడుతూ, మేళ్లచెరువు మండలంలో TJA కమిటీలను ఏర్పాటు చేయాలని, యూనియన్ సమావేశాలకు హాజరవుతూ జర్నలిస్టుల సమస్యల పరిష్కారానికి కృషి చేయాలని కొమ్ము మహేష్ ను కోరారు.
కొమ్ము మహేష్ మాట్లాడుతూ, తనపై నమ్మకంతో ఈ బాధ్యత అప్పగించిన సూర్యాపేట జిల్లా అధ్యక్షుడు షేక్ సైదా, వ్యవస్థాపక అధ్యక్షులు ఉప్పల లక్ష్మణ్, TJA అధ్యక్షులు కదిరి వెంకటరమణ రావు, వర్కింగ్ ప్రెసిడెంట్ ఉక్కల్ కర్ రాజేందర్ నాథ్ కు కృతజ్ఞతలు తెలిపారు.
ఈ కార్యక్రమంలో TJA సూర్యాపేట జిల్లా కమిటీ కోశాధికారి కొత్తపల్లి మధుసూదన్, జిల్లా కమిటీ ఎగ్జిక్యూటివ్ మెంబర్ కొల్లోజు నాగేంద్ర చారి, బయ్యారపు రవీంద్ర, హుజూర్ నగర్ మండల అధ్యక్షులు కొండమీది నరసింహారావు తదితరులు పాల్గొన్నారు.
