హైకోర్టు పబ్లిక్ ప్రాసిక్యూటర్ పల్లె నాగేశ్వరరావును కలిసిన హుజూర్‌నగర్ నాయకులు

*హైకోర్టు పబ్లిక్ ప్రాసిక్యూటర్ పల్లె నాగేశ్వరరావును కలిసిన హుజూర్‌నగర్ నాయకులు*

ఈరోజు హైదరాబాద్‌లోని హైకోర్టు పబ్లిక్ ప్రాసిక్యూటర్ శ్రీ పల్లె నాగేశ్వరరావు గారి నివాసంలో హుజూర్‌నగర్ నుంచి పలువురు నాయకులు మర్యాదపూర్వకంగా కలిశారు.

హుజూర్‌నగర్‌లోని తిలక్ నగర్ 14వ, 15వ వార్డులకు చెందిన ఎస్సీ సెల్ మాల మహానాడు నియోజకవర్గ ముఖ్య నాయకులు, బీసీ సంఘం నాయకులు ఈ సమావేశంలో పాల్గొన్నారు. తమ రెండు వార్డుల యోగక్షేమాల విషయమై వీరు నాగేశ్వరరావు గారితో చర్చించినట్లు సమాచారం.

ఈ కార్యక్రమంలో హాజరైన ముఖ్య నాయకులలో మాల మహానాడు జిల్లా కో కన్వీనర్ కోలపూడి దయాకర్, మాల మహానాడు నియోజకవర్గ అధ్యక్షులు దగ్గుపాటి బాబురావు, మాల మహానాడు నియోజకవర్గ ఉపాధ్యక్షులు కొల్లపూడి శ్రీనాథ్ చంటి, మాల మహానాడు నియోజకవర్గ నాయకుడు మామిడి వసంత్ కుమార్, బీసీ సెల్ నియోజకవర్గ నాయకుడు అలవాల ఉపేందర్, మాల మహానాడు టౌన్ నాయకుడు దగ్గుపాటి సురేష్ తదితరులు ఉన్నారు.

టీజేఏ రాష్ట్రబాడీ సమావేశానికి హాజరైన సూర్యాపేట జిల్లా కమిటీ

సూర్యాపేట తెలంగాణ జర్నలిస్ట్ అసోసియేషన్ వారు ఖమ్మం జిల్లాలోని టీటీడీసీ ట్రైనింగ్ సెంటర్ నందు నిర్వహించిన తెలంగాణ జర్నలిస్ట్ అసోసియేషన్ (టీజేఏ) రాష్ట్ర సమావేశానికి సూర్యాపేట జిల్లా అధ్యక్షుడు షేక్ సైదా ఆధ్వర్యంలో టీజేఏ సూర్యాపేట జిల్లా కమిటీ సభ్యులు హాజరయ్యారు.

ఈ సమావేశంలో టీజేఏ వ్యవస్థాపక అధ్యక్షులు ఉప్పల లక్ష్మణ్, టీజేఏ రాష్ట్ర అధ్యక్షుడు రమణారావు మాట్లాడుతూ సూర్యాపేట జిల్లాలో టీజేఏ యూనియన్ బలంగా పనిచేస్తుందని ప్రశంసించారు. హుజూర్నగర్, కోదాడ, సూర్యాపేట, తుంగతుర్తి నియోజకవర్గాలలో కమిటీలను ఏర్పాటు చేయాలని ఆదేశించారు.

ఈ సందర్భంగా రాష్ట్ర కమిటీ సభ్యులు మరియు ఖమ్మం జిల్లా నూతన కమిటీ సభ్యులు సూర్యాపేట జిల్లా అధ్యక్షుడు షేక్ సైదాను ఘనంగా సన్మానించారు.

ఈ కార్యక్రమంలో నల్గొండ జిల్లా అధ్యక్షులు వాసుదేవ రావు తో పాటు సూర్యాపేట జిల్లా తరఫున కొత్తపల్లి మధు, కొల్లోజు నాగేంద్ర చారి, భీమపంగు వెంకటేశ్వర్లు, గోరంట్ల శ్రీనివాస్, కొమ్ము మహేష్, పెందుర్తి సతీష్, బయ్యారపు రవీంద్ర, షేక్ నాగుల్ మీరా, మక్బూల్ పాషా తదితరులు పాల్గొన్నారు.